चिनियाँ राष्ट्रपति सी चिनफिङको स्वागतका लागि सिंगारिदै काठमाडौं
काठमाडौ । चिनियाँ राष्ट्रपति सी चिनफिङको नेपाल भ्रमण नजिकिदै जाँदा काठमाडौं सिंगार्ने काम सुरु भएको छ।
धुवाँ, धुलो र हिलोलेको उपमा पाएको काठमाडौंलाई यतिबेला रातारात चम्किलो र सफासुग्घर बनाउने काम भइरहेको छ। त्रिभुवन अन्तर्राष्ट्रिय विमानस्थल नजिकैको तिनकुनेको पार्कसँगै उपकत्यकाका सडक, पुल, भित्ता सजाउने काम सुरु भएको छ।
सरकारले काठमाडौं महानगरपालिका लगायत सरोकारवाला निकायको सहयोग र सहकार्यमा सडक सफा बनाउन थालेको छ।
