Logo

सेयर लगानीकर्ताले पढ्नै पर्ने पुस्तक बजारमा



काठमाडौं । प्रभाष दाहालद्वारा अंग्रेजी भाषामा लिखित शेयर शास्त्र(क्ज्ब्च्भ् क्ज्ब्क्त्च्ब् ) नामक पुस्तिका वजारमा सार्वजनिक भएको छ ।
शेयर सम्बन्धि चासो र जानकारी राख्न चाहने जो कोहीलाई पनि यो पुस्तक धेरै उपयोगी हुने लेखकको विश्वास लिएका छन् ।

आधुनिक अर्थव्यवस्थामा शेयर लगानीको धेरै महत्वपूर्ण भूमिका रहेको हुन्छ । खासगरेर वित्तीय कारोवारमा संलग्न रहने व्यक्ती , संस्था वा निकायहरुले आफनो लगानी कस्तो क्षत्रेमा लगाउंदा बढी भन्दा बढी फाइदा हुन्छ भन्ने सोचेका हुन्छन् ।

उनीहरुले यस्तो लगानी गर्नुभन्दाअगाडि शेयर वजारको विश्लेषण र यसको प्रभावको चक्रलाई नजिकबाट नियालेर उर्वर क्षेत्रमा लगानी गर्नु पर्ने हुन्छ । यस्तो गर्नका लागि अवश्य पनि शेयर सम्बन्धि प्राविधिक ज्ञान हासिल गर्नु आवश्यक हुन जान्छ ।

लेखकले यस विषयमा आफनो अनुभवको आधारमा यस सम्बन्धि जानकारी प्रस्तुत गरेको वताएका छन् । पुस्तिकाको पहिलो भागमा शेयर निस्कासन गर्ने विभिन्न कम्पनिहरुको सूचि दिइएको छ । त्यस्ता कम्पनिहरुको सूचिमा कमर्शियल बैंक , डेभलोपमेन्ट बैंक , फाइनान्स , होटल , हाइड्रो , इन्स्योरेन्स, नन् लाइफ इन्सुरेन्स कम्पनी , म्यानुफयाक्चरिंग एण्ड प्रोसेसिंग , माइक्रो फाइनान्स र प्रमोटर शेयर छन् ।

पुस्तिकाको सवैभन्दा महत्वपूर्ण विशेषता शेयर कारोवारमा अनिवार्यरुपले प्रयोग भै रहने प्राविधिक शब्दावलीहरुको अर्थ दिइएको छ । शेयर वजारको संजाल भित्र पस्न चाहनेहरुले यी शब्दहरुका वारेमा जान्नै पर्ने हुन्छ ।

त्यस्ता प्राविधिक शब्दावलीहरु हुन् ः Market Correction , Dividends , Intra Day Trading , Portfolio , Index , Excange Traded Fund , Mutual Funds , Market Capitalization , IPO , Trading Volume , Liquidity , Good Till Cancelled Order , Day order , Limit order , Market Order , BID ASK SPREAD , BID , ORDER , BEAR MARKET , BULL MARKET , SHARE , STOCK , OVER THE COUNTER , Stock Exchange SHARE MARKET आदि ।

यसका अतिरिक्त उक्त पुस्तिकामा लेखकले शेयर बढनुका कारण र कस्ता कारोवारमा लगानी गर्ने भन्ने विषयमा पनि संक्षिप्त विश्लेषण गरेका छन् । त्यसैगरी नेपालमा शेयर वजारलाई प्रभाव पार्ने कारण र तिनका तत्वहरुका पक्षमा पनि प्रकाश पारिएको छ । अतः प्रस्तुत पुस्तिका व्यवस्थापनमा अध्ययन गर्ने विद्यार्थीहरु , शेयर वजारमा लगानी गर्न इचछुक व्यक्ति तथा निकायहरुका लागि अति उपयोगी तथा राम्रो मार्गदर्शक बन्न सक्ने विश्वास गरिन्छ । लेखकको प्रयास स्तुत्य छ । पुस्तिकाको मूल्य एकसय पचास उल्लेख छ , जुन उचित नै देखिन्छ ।

प्रतिक्रिया दिनुहोस्