Logo

पछिल्लो २४ घण्टामा भारतमा थपिए ४२ हजार १५ कोरोना संक्रमित



काठमाडौं । कोरोना संक्रमणको तेस्रो लहरको केन्द्रबिन्दु बनेको भारतमा पछिल्लो २४ घण्टा भित्रमा नाै ४२ हजार १५ जना संक्रमित थपिएका छन्। भारतिय संचारमाध्यमले दिएको जानकारी अनुसार कोरोना संक्रमणको तेस्रो लहरले चेनब्रेक गरेता पनि पछिल्लो समय भारतमा कोरोना संक्रमितको संख्या पुंन बढ्दै गएको हो ।


भारतमा हाल कुल सङ्क्रमितको सङ्ख्या तीन करोड १२ लाख १६ हजार भन्दा बढी पुगेको छ ।भारतको चिकित्सा अनुसन्धान परिषद्ले अहिलेसम्म कुल ४४ करोड ९१ लाख ५३ हजार २७३ जनाको स्वाब परीक्षण गरिएको छ । त्यसैगरी गत जनवरी १६ बाट भारतमा कोरोना भाइरसविरुद्ध खोप अभियान शुरु भएको थियो । सो समयदेखि अहिलेसम्म ४१ करोड ५४ लाख ७२ हजार ४५५ ओटा कोरोना भाइरसविरुद्धको खोप प्रयोग भएको छ ।


भारतमा अहिले पनि कोरोनाभाइरसबाट सङ्क्रमित अवस्थामै रहेकाको सङ्ख्या चार लाख ७ हजार १७० रहेको अधिकारीले जनाएका छन् । पछिल्लो एक दिनमा कोरोनाभाइरसका कारण थप ४८९ जनाको मृत्यु भएको छ । तर महाराष्ट्र राज्यले कोरोना सङ्क्रमणका कारण पहिले नै ज्यान गुमाएका तर तथ्याङ्कमा छुटेका व्यक्तिको नाम दिएको हुनाले गत २४ घण्टामा कोरोना सङ्क्रमितको कारण मृत्यु भएकाको संख्या तीन हजार ९९८ भएको मन्त्रालयले बुधबार जानकारी दिएको छ ।

प्रतिक्रिया दिनुहोस्