Logo

अइन्भेष्टमेन्ट बैंक युरोमनि मनि अवार्ड फर एकसिलेन्स २०२१ बाट सम्मानित




काठमाडौं । नेपाल इन्भेष्टमेन्ट बैंक युरोमनि मनि अवार्ड फर एकसीलेन्स २०२१ बाट सम्मानित भएको छ । बैंकले दोस्रो पटक यो अवार्ड पाएको हो । यस अघिपनि बैंकले २०१८ मा यो अवार्ड प्राप्त गरेको थियो । युरो म्यागाजिनले वित्तीय क्षेत्रमा निकै इज्जतदार मानिने यो अवार्ड हरेक बर्ष एउटा देशको उत्कृष्ट बैंकलाई प्रदान गर्दै आएको छ ।

१९९२ मा स्थापना गरिएको यस अवार्ड कार्यक्रम विश्व बैंकिङ्ग उद्योगमा सुरु गरिएको पहिलो अवार्ड हो । यस अवार्ड विश्वको १०० वटा देशहरुमा सञ्चालन हुने गरेका छन् । बैंकको गुणस्तरीय सेवा, सिर्जनात्मक र ग्राहक प्रतिको विशेषज्ञताका लागि युरो म्यागेजिनले यो अवार्ड प्रदान गर्दै आएको छ ।

बैंकले मुलुकभर रहेका ८६ शाखा कार्यालय, १३१ एटिएम, १० वटा राजस्व संकलन काउण्टर एवं ५८ वटा शाखारहित बैंकिङ्गमार्फत् बैंकिङ्ग सेवा प्रदान उपलब्ध गराउँदै आएको छ । उत्कृष्ट सेवा र व्यापारको कारण यस बैंकले ‘बैंक अफ द इयर’ अवार्डबाट पाँच पटक सम्मानित भइसकेको छ ।

प्रतिक्रिया दिनुहोस्