Logo

चीनबाट अनुदान प्राप्त खोप २३ केन्द्रबाट लगाउन सुरु



काठमाडौँ । चीनबाट अनुदान प्राप्त खोप २३ केन्द्रबाट लगाउन सुरु गरिएको छ । कोभिड १९ विरुद्धको सिनोफार्म खोप आजदेखि लगाउन शुरु भएको हो ।

खोप लगाउन स्वास्थ्य तथा जनसंख्या मन्त्रालयले खोप लगाउने व्यक्ति र समूहको प्राथमिकीकरण गरेको छ । मन्त्रालयले तोकेका २३ वटा केन्द्रबाट खोप लगाउन शुरु भएको हो ।

उपत्यकाको वीर अस्पताल, परोपकार प्रसूति तथा स्त्रीरोग अस्पताल थापाथली, शुक्रराज ट्रपिकल तथा सरुवा रोग अस्पताल टेकु, निजामती कर्मचारी अस्पताल मिनभवन, राष्ट्रय आयुर्वेद अनुसन्धान तथा तालिम केन्द्र किर्तिपुर, र नेपाल मेडिकल कलेज अत्तरखेल खोप लगाउन शुरु गरिएको छ ।

यस्तै काठमाडौं मेडिकल कलेज सिनामंगल, त्रिवि शिक्षण अस्पताल महाराजगञ्ज, सहिद गंगालाल राष्ट्रिय हृदय केन्द्र बाँसवारी, वीरेन्द्र अस्पताल छाउनी, नेपाल सशस्त्र प्रहरी अस्पताल बलम्बु, नेपाल प्रहरी अस्पताल पानीपोखरीबाट पनि खोप लगाउन थालिएको छ ।

यसैगरी ओम अस्पताल चाबहिल, क्षेत्रपाटी निस्शुल्क चिकित्सालय क्षेत्रपाटी, भक्तपुर नेपाल कोरिया मैत्री अस्पताल ठिमी, भक्तपुर अस्पताल, पाटन स्वास्थ्य विज्ञान प्रतिष्ठान पाटनअस्पतालबाट पनि लगाउन शुरु भएको मन्त्रालयले जनाएको छ ।

किष्ट मेडिकल कलेज ललितपुर, आनन्दवन अस्पताल ललितपुर, धुलिखेल अस्पताल काभ्रे, त्रिशुली अस्पताल नुवाकोट, बाह्रविसे अस्पताल सिन्धुपाल्चोक र रसुवा जिल्ला अस्पताल।

मन्त्रालयले १८ देखि ५९ वर्ष समूहका प्राध्यापक, चीनमा छात्रवृत्तिमा अध्ययन गर्ने विद्यार्थी, चीनमा अध्ययनमा जाने तयारीमा रहेका व्यक्ति, हिमालय पार व्यापार गर्ने व्यापारी, अत्यावश्यक सेवामा काम गर्ने कर्मचारी, होटल, ट्रेकिङ, विज्ञापन र इन्टरनेट क्षेत्रमा काम गर्ने, औषधी, फलफूल, तरकारी लगायतका व्यापारीलाई खोप लगाउने निर्णय गरेको थियो।

खोप लगाउन निवेदन दिएका संघसंस्था र यसअघि खोप लगाउन छुटेका अग्रपंक्तिमा खटिने व्यक्तिलाई पनि खोप लगाइदैछ । सरकारले आपतकालिन प्रयोगका लागि चिनियाँ खोप प्रयोगमा ल्याएको हो ।

गत साता उक्त खोप काठमाडौं आइपुगेको थियो । विश्व स्वास्थ्य संगठनले अनुमति दिएपछि आजदेखि खोप लगाउन शुरु गरिएको हो ।

प्रतिक्रिया दिनुहोस्