Logo

शुक्रबारदेखि कुमारीको ‘कुमारी ईक्वीटी फण्ड



कुमारी बैंकले ८० करोड रुपैयाँ बराबरको ‘कुमारी इक्वीटी फण्ड’ यहि फागुन १४ गते शुक्रबारदेखिसर्वसाधारणहरुमा निष्काशन तथा बिक्री खुल्ला गर्ने भएको छ । बैंकले निष्काशन गर्ने ‘कुमारी इक्वीटी फण्ड’ को बिक्री प्रबन्धकमा कुमारी क्यापिटलद्वारा व्यवस्थापन रहेको छ ।


१० वर्षे बन्दमुखि योजना रहेको १० रुपैयाँ अकित दरको ८ करोड इकाइको ईक्वीटी फण्ड मध्ये १५ प्रतिशत अर्थात् १ करोड २० लाख इकाई कोष प्रबद्र्धक कुमारी बैंकको लागि सुरक्षित राखिने छ । बाँकी ६ करोड ८० लाख इकाई फागुन १४ गते शुक्रबारदेखि फागुन २८ गतेसम्म सर्वसाधारणहरुमा निष्काशन तथा बिक्री खुल्ला गरिने जारी प्रेस विज्ञप्तिमा जनाइएको छ । योजना व्यवस्थापन गर्ने कुमारी क्यापिटलले इक्रा नेपालबाट एएमसी ३ रेटिङ्ग प्राप्त गरेको छ ।

योजनाले तोकेको लगानी क्षेत्रहरुमा लगानी गरी जोखिमको उचित व्यवस्थापन गरी उच्च प्रतिफल दिई लगानीकर्ताहरुको लगानीलाई सुनिश्चित गर्नेछ । नेट एसेट भ्यालु १० रुपैयाँबाट सुरु भई अन्तिम वर्ष (लाभाशं वितरण पश्चात) सम्म २२ रुपैयाँ ४९ पैसा पुग्ने प्रक्षेपण गरिएको छ ।
सेयर बजारमा हुने उतार चढावबाट सिर्जना हुने जोखिमको न्युनिकरणको लागि सामूहिक लगानी कोषको योजनामा लगानी गर्नु उचित रहने योजना व्यवस्थापकको धारणा रहेको छ ।

सो योजनाको इकाईमा आवेदन गर्नका लागि आफ्नो खाता रहेको बैंक वित्तीय संस्थाबाट आस्वा प्रणाली अन्तर्गत साथै मेरो सेयर अनलाइल प्रणाली मार्फत आवेदन दिन सकिने व्यवस्था छ । आवेदन न्युनतम एक हजार इकाई र अधिकत ८० लाख इकाईसम्म आवेदन गर्न सकिने व्यवस्था रहेको छ ।

यस योजनाको इकाईमा आवेदन गर्नका लागि आफ्नो खाता रहेको बैंक बित्तीय संस्थाबाट आस्वा प्रणाली अन्तर्गत साथै मेरो शेयर अनलाइल प्रणालीमार्फत् आवेदन दिन सकिने ब्यवस्था छ । आवेदन गर्दा न्युनतम एक सय इकाई र अधिकत ८० लाख इकाईसम्म आवेदन गर्न सकिने व्यवस्था छ । उक्त निष्काशनमा आवेदन दिन इच्छुक सर्वसाधारण तथा संस्थाले मिति २०७७ फाल्गुन १४ गतेदेखि फाल्गुन २८ गतेसम्म आवेदन दिन सकिने छ ।

प्रतिक्रिया दिनुहोस्