Logo

फोक्सोमा क्यान्सर भएर पनि सञ्जय दत्तले सुरु गरे सुटिङ



काठमाडौं । भारतीय फिल्म अभिनेता सञ्जय दत्तले फिल्म ‘शमशेरा’को सुटिङ सुरु गरेका छन् । भारतीय सञ्चार माध्यमहरुले जनाएअनुसार द त्तको स्वास्थ्य राम्रो नभएका कारण उनलाई कोरोनाबाट जोगाउन सुटिङमा काम गर्ने सबैको कोरोना परीक्षण गरिएको थियो ।

स्रोतका अनुसार शमशेराको सेटमा सञ्जुका लागि विशेष प्रबन्धको व्यवस्था गरिएको थियो । सेटमा अत्यधिक कम मानिसहरुको उपस्थिती थियो । जति पनि उपस्थित थिए उनीहरुको पहिले नै कोरोना परीक्षण गरिएको थियो र सबैको नतिजा नेगेटिभ आएको थियो । सबैले निकै सावधानीका साथ सुटिङ गरेको पनि बताइएको छ ।

८ अगस्टमा सञ्जय दत्तलाई सास फेर्न समस्या भएको थियो । त्यसपछि उनलाई अस्पतालमा भर्ना गरिएको थियो । यतिबेला उनकी श्रीमती मान्यता दुई सन्तानसहित दुबईमा थिइन् । ४ दिनपछि उनी अस्पतालबाट डिस्चार्ज त भए तर ११ अगस्टमा उनलाई फोक्सोमा क्यान्सर भएको खबर आयो । त्यसपछि उनी विदेशमा उपचार गर्न जाने अनुमान गरिएको थियो । हाल डा. जलिल पारकरले मुम्बईमा नै उनको उपचार गरिरहेका छन् ।

प्रतिक्रिया दिनुहोस्