Logo

ढोरपाटन महोत्सवमा प्रचण्डले भन्नु भो -उत्तरगंगा जलासय बन्छ(भिडियो सहित)

विकास गर्ने काम काग्रेसको नै हो- नेताथापा



♦शितल शर्मा, बाग्लुङ्ग । पूर्व प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्डले मुलुक आर्थिक समृद्धिकोबाटो अगाडी बढेको दावी गर्नुभयो ।बाग्लुङ्गको बुर्तिवाङमा सुरु भएको प्रथम ढोरपाटन महोत्सव २०७५ का उद्घाटन गर्दै उहाँले नेपाली जनताको चाहाना अनुसार मुलुकमा दई तिहाई भन्दा बढीको समर्थनमा सरकार बन्नु नै बिकासको लागी ढोका खुलेकोजानकारी दिनुभयो ।

माओवादीले गरेको ससस्त्र आन्दोलन र जनआन्दोलनमा बाग्लुङ्गका जनताले गरेकोयोगदानको प्रशंसा गर्दै बुर्तिवाङ र ढोरपाटनबासीको चासो र चिन्ता रहेको ढोरपाटन (उत्तरगंगा) जलाशय निमार्ण गर्ने काम ढोरपाटन नगरपालिकाको चाहना र भावना अनुसार नै बनाउन आफुले सरकारलाई निर्देशन दिने बिश्वाश दिलाउनुभयो । प्रमुख अतिथीका रुपमा आउनुभएका दाहाललाई स्थानियवासीले जलाशय ढोरपाटनबासीको चाहना भएको जानकारी गराउनुभएको थियो।

‘विकासको निम्ति निजी क्षेत्र र सार्वजनिक क्षेत्रको सहकार्यबिना तीव्र आर्थिक विकास हुन सक्दैन । त्यस कारण निजी क्षेत्रसँग सहकार्य गर्ने प्रक्रियामा पनि एउटा नयाँ मोडल विकास गर्न चाहेका छौँ’ उहाँले भन्नुभयो ‘निजी सार्वजनिक र सहकारीको सहकार्यबाट हामी आउने एक दशक भित्र नयाँ र समृद्ध नेपाल निर्माण गरिछाड्ने सङ्ककल्प गरौँ, म सबैलाई आह्वान गर्न चाहन्छु ।’

बिशिष्ठ अतिथिको रुपमा कार्यक्रममा नेपाली काँग्रेसका प्रभावशाली तथा युवा नेता गगन थापाले काग्रेसको नेतृत्वमा बनेको सरकारले नेपालको विकासमा ठुलो योगदान गरेको दावी गर्नुभयो । ०४६ साल यता बनेका सरकारको पालामा नै टेलिफोन,बिद्युत, शिक्षा, खानेपानी ,सडक र स्वास्थको क्षेत्रमा गरेको बिकासलाई नजरअन्दाज गर्न नहुने बताउनुभयो । उहाँले आफु स्वास्थमन्त्री हुदा बुर्तिबाङ स्वास्थ्य केन्द्रलाई अस्पताल बनाउनको लागि सुरु गरेको स्पष्ट पार्दै बुर्तिवाङ्गको विकासका लागी नेपाली काग्रेस र आफु सधै इमान्दार रहेको बताउनुभयो ।

सांसद देवेन्द्र पौडेल, सांसद ज्ञानु कुमारी छन्त्याल, नेपाल उद्योग बाणिज्य महासंघका केन्द्रिय उपाध्यक्ष चन्द्र ढ्काल, नेकपाका निल बहादुर पुन, माके का तुलसी अर्याल लगायतको बक्ताले महोत्सवको सफलताको शुभकामना ब्यक्त गर्नुभएको थियो ।
बाग्लुङ्ग अन्र्तगत रहेको उद्योग बाणिज्य संघ बुर्तिवाङ ईकाईका अध्यक्ष चिन्तामणी शर्माको अध्यक्षतामा सम्पन्न भएको सो समारोहमा ढोरपाटन नगरपालिकाका नगरप्रमुख देवकुमार नेपालीले स्वागत गर्नुभएको थियो ।

बुर्तिवाङ ईकाईका महासचिव राम सुवेदीले सञ्चालन गर्नुभएको कार्यक्रम समृद्धि र आर्थिक विकासमा जुटेका बैकुण्ठ महत र सञ्चारकर्मी एबंम गायिका शितल शर्माले मुलुक राजनिति स्थिरताको दिशामा अगाडी बढेको जानकारी गराउर्दै अव पालो आर्थिक समृद्धिको भन्ने गितमा बाग्लुङ्गबासीलाई नचाउनुभएको थियो । पानी जहाज २ एल्वममा रहेको त्यो गित मात्रै होइन अव कोहि भन्दा कम छैनौ नेपालमा पनि पानी जहाज चलाउन सकिन्छ भनेर पानी जहाज १ को गितसगै थुप्रै लोकगितहरु गाएर महोत्सवमा रमाइलो गराउनुएको थियो ।

भिडियो हेर्नुस

प्रतिक्रिया दिनुहोस्