Logo

महिलालाई स्क्रिन प्रिन्ट तथा छापाखाना तालिम



तुलसीपुर । स्थानीय स्तरमा पहिलो पटक महिलाहरुका लागि स्क्रीन तथा छापाखाना तालिम तुलसीपुरमा सुरु गरिएको छ । तुलसीपुर उपमहानगरपालिका ५ नं वार्ड कार्यालयको सहयोगमा तथा तुलसीपुर मिडियाको आयोजनामा तुलसीपुरका महिलाहरुलाई तालिम दिन थालिएको हो ।  सीप प्रदान गरि महिलाहरुलाई स्वरोजगार बनाउने र आयआर्जजनमा लगाउने उदेश्यले तालिमको आयोजना गरिएको वडा सदस्य तथा तालिम संयोजक सुरेश श्रेष्ठले बताए ।

उनले वडाले नयाँ र बजारमा विक्न सकने गरि तालिमहरु दिइरहेको भन्दै यसको सहभागिहरुले उपयोग गर्नु पर्ने वताए । उनले तालिमले बाटो मात्रै देखाउने भन्दै बाटो विस्तार गर्ने काम सहभागिहरुकै भएको वताए । महिला वडा सदस्य सावित्रा गुरुङले तालिमले महिलाहरुमा आत्मानिर्भर बढाउने भएकाले सीप सिक्न तालिमको आयोजना गरिएको वताईन । यसै बीच एक कार्यक्रमको बिच स्क्रिन प्रिन्ट तथा छापाखाना तालिमको उद्घाटन गरिएको छ । तुलसीपुर मिडियाका हरिभक्त डागीको अध्यक्षतामा तथा वडा सदस्य सुरेश श्रेष्ठको प्रमुख आतिथ्यता र वडा सदस्य सावित्रा गुरुङको विशिष्ट आतिथ्यतामा कार्यक्रम भएको हो ।

एदघाटन कार्यक्रममा सामाजिक परिचालक गंगा हमाल, पत्रकार प्रकास डागी लगायतकाले वोलेका थिए । कार्यक्रमका सहभागिहरुले तालिमलाई उपयोगी बनाउन आफुहरु सक्रिय हुने वताए । कार्यक्रमको सहजीकरण गोपाल शर्मा भट्टराईले गरेका थिए भने तालिमको प्रशिक्षकमा हरिभक्त डागी रहेका छन ।  यसै बीच ५ नं वडाको सहयोगमा विहीबार देखि नै कम्युटर तालिम पनि सुरु गरिएको छ । युवा वर्गलाई सिप सिकाएर ब्यवसायीक बनाउने उदेश्यले कम्प्युटर तालिमको आयोजना गरिएको वार्ड सदस्य श्रेष्ठले वताए ।

प्रतिक्रिया दिनुहोस्